好多朋友手上都有啲唔同濃度嘅酒精，唔知應該點用先啱，我哋整理咗兩個配方表比大家參考使用量。👍🏻
請留意以下幾點：
🔸你用嘅份量如有少許偏差唔緊要，只要最終酒精濃度按重量計有70-75%就得喇！
🔸由於酒精比水輕，1g並不等如1ml，你按表格嘅重量做就得喇，整出嚟100g係多過100ml的。1ml酒精只係得0.7幾g，清水係1ml=1g，甘油大概1ml=1.2g。ml 係容量會受溫度影響，冷縮熱脹，即係熱嗰陣會多幾ml，凍嗰陣會少幾ml，所以平時我哋整護膚品通常會用g計算。
🔸如果你冇水溶荷荷巴酯就加多1g水，如果冇甘油就加多5g水，如果兩樣都冇就加多6g水。
🔸如果你手上嘅酒精係60-75%就乜都唔好加就咁用。
🔸如果係低過60%就最好溝啲高啲濃度嘅同類酒精一齊用，否則唔夠力殺病毒架！最好溝到有70%或以上啦。
🔸如果你想一次過整多啲，可以將所有材料按比例乘大用量，例如整200g就將每樣嘢份量x2。
#愛美麗工房 #愛美麗生活百貨 #酒精 #搓手液 #DIY #比例
Search